رسالة من صاحب منتدى ميت !!!

عدد المساهمات : 57 تاريخ التسجيل : 08/10/2010

السلام عليكم ورحمة الله وبركاته

الراسل : صـاحب موقع ومنتديات (متوفى)
العنوان : من القــــــبر
المرسل إليه : لكل أصحاب المواقع وكل أعضاء ومشرفين المنتديات( اللى لسة أحياء)
العنوان : فى البيوت
عنوان الرسالة: ياريتنى

رسالة بكتبها ليكم بدموع حسرتى اللى مهما وصفت فيها عمركم ما هتحسوها
إلى لما تبقوا مكانى ...

أنا صاحب موقع ومنتدى وكان منتدايا فية أقسام للأغانى والصور والأفلام
كان مشرفين منتدايا بيجيبوا كل الألبومات الجديدة وفضايح وصور الفنانات
وأحدث الافلام المسروقة والمليانة بالمناظر العارية وتحريك شهوات الشباب

أعضاء موقعى كانت صور توقيعهم وصورهم الرمزية مليانة صور بنات
وكلام أغانى .. كانوا البنات والولاد من اعضاء منتدايا
بيتكلموا ويهزروا مع بعض من غير حياء ولا كسوف

ياما ناس بعتولى رسائل خاصة وانا بتجاهلهم
ياما أعضاء كتبوا اقتراحات بإزالة الأقسام دى من منتدايا
بمنع التواقيع المخالفة لشرع الله

بس انا كنت أعمى مش شايف غير الشهرة والفلوس
اللى بتجيلى من ورا موقعى
.. غرتنى الشهرة وغطت عيني واستولت الدنيا على قلبى
والشيطان نسانى اخرتى واوامر ربى

مكنتش أعرف ان هيجي يوم وأموت
الدنيا والشيطان نسونى ان ممكن يجي عليه يوم واموت
ان ممكن يجي عليه يوم وابقى فى القبر بين التراب والظلمة والعذاب لوحدى

وجة اليوم بتاعى وروحت قبرى .. وموقعى شغال
الناس بتحمل الأغانى وبتبعتها لبعض وبتعيد رفعها وتنشرها فى مواقع تانية
والأفلام بتتبعت بالفلاشات والصور عمالة تتشاف وتحرك شهوات الشباب
البنات والولاد يهزروا ويتعرفوا على بعض على منتدايا
وصورهم الرمزية والتواقيع بتتشال وتتحط كل يوم وانا الذنوب شغالة ليل ونهار

والعذاب مش بيقف عمال اتعذب بذنوب ملايين الناس اللى سمعوا
اغنية او شافوا صور او فيلم فى موقعى بطريقة مباشرة او غير مباشرة

منتدايا مكان بيفسد الشباب والبنات وبيبعدهم عن دينهم

وانا بتحاسب فى قبرى وشايف ادام عيني عداد الذنوب الجارية
عماااااال شغال وانا فى عرض حسنة واحده

ودلوقتى بتحسر انى معملتش بحديث رسول الله
اللى ياما قريتة والناس بعتهولى عشان اتعظ

قال صلى الله عليه وسلم : (( من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا )) ....

الذنوب بتعذب بيها فى قبرى دلوقتى ليل ونهار وهتعذب بيها يوم القيامة فى جهنم للأبد خالد فيها
وانا عمال ابكى من العذاب والندم والحسرة

زى ما وعدنى ربى فى الايه اللى ياما سمعتها
وكأنى بسمع خبر جديد او قصة ...

{وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّى لَهُ الذِّكْرَى{23} يَقُولُ يَا لَيْتَنِي قَدَّمْتُ لِحَيَاتِي{24} فَيَوْمَئِذٍ لَّا يُعَذِّبُ عَذَابَهُ أَحَدٌ{25} وَلَا يُوثِقُ وَثَاقَهُ أَحَدٌ{26} }

عمال أقول
يا ريتني ما كت عملت منتدى
يا ريتنى كنت سمعت كلام الناس اللى حذرونى
يا ريتنى كنت خليت منتدايا إسلامى عشان يكون حسنات جارية
ياريتنى كنت شيلت الأقسام اللى حذرونى منها
يا ريتنى عملت لاخرتى اللى هعيش فيها للأبد
{ يَقُولُ يَا لَيْتَنِي قَدَّمْتُ لِحَيَاتِي{24} فَيَوْمَئِذٍ لَّا يُعَذِّبُ عَذَابَهُ أَحَدٌ}

يا ريتنى كنت تراااااب
{ إِنَّا أَنذَرْنَاكُمْ عَذَاباً قَرِيباً يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَاباً }

وانا روحى بتخرج فجأة وبدون مقدمات ولقيت الملائكة حوالية وجوههم سودا
وبيبشرونى بالنار قولت جملة كنت بسمعها فى الايه اللى ياما سمعتها وانا مش مهتم
{حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ{99} لَعَلِّي أَعْمَلُ صَالِحاً فِيمَا تَرَكْتُ }

من شدة الخوف والعذاب حاولت اكدب على الله واقوله يارب انا مكنتش أعرف ان منتدايا هيوديني جهنم
ويقول ربنا
{ ... وَمَا كُنَّا مُعَذِّبِينَ حَتَّى نَبْعَثَ رَسُولاً }

.. يا ما ربنا بعتلك ناس يحذرونك لكن كنت مش بتتعظ ومش بتهتم
وكنت بتقول عليهم متعصبين ومتشددين ودماغهم تعبانه

..
ااااه لو كنت فهمت ولو كنت فكرت وعملت باللى حذرونى منه وانا فى الدنيا
{ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ{8} قَالُوا بَلَى قَدْ جَاءنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِن شَيْءٍ إِنْ أَنتُمْ إِلَّا فِي ضَلَالٍ كَبِيرٍ{9} وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ }

كنت بتكبر وبجادل وبتهم الناس اللى بيحذرونى من خطورة منتدايات
وخطورة توقيعي وانا كنت بستهتر وبجادلهم وبتهمهم بالتعصب والتخلف
فربنا طبع على قلبى وخلاه اسود فى ضلال وظلام
{الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ كَبُرَ مَقْتاً عِندَ اللَّهِ وَعِندَ الَّذِينَ آمَنُوا كَذَلِكَ يَطْبَعُ اللَّهُ عَلَى كُلِّ قَلْبِ مُتَكَبِّرٍ جَبَّارٍ }

شهواتى .. وهوا نفسى وحب الدنيا وحب المال وحب الشهره نسونى اخرتى
وعموا عيني وقلبى
{ أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لَا تُرْجَعُونَ }

زينلى الشيطان سوء اللى كنت بعمله وسيطر عليه
{ أَفَمَن زُيِّنَ لَهُ سُوءُ عَمَلِهِ فَرَآهُ حَسَناً فَإِنَّ اللَّهَ يُضِلُّ مَن يَشَاءُ وَيَهْدِي مَن يَشَاءُ }
..
{اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ أُوْلَئِكَ حِزْبُ الشَّيْطَانِ أَلَا إِنَّ حِزْبَ الشَّيْطَانِ هُمُ الْخَاسِرُونَ }

.........
..
.
.
لكل عضو فى منتدى .. مستهتر بصورتة الرمزية وتوقيعة اللى فيها عورات للبنات (الشعر والرقبة والدراعات ..)
لكل صاحب منتدى ..
لكل مشرف ..

ادامك الفرصة وانت لسة حى على وجه الأرض

لية تحط نفسك فى موقف زى دا فى قبرك ويوم الحساب ؟؟

اية اللى يجبرك ؟

الفلوس ولا الشهرة ؟؟ تفتكر مهما بلغت من شهرة او فلوس دا يستاهل ثانية عذاب من الله ؟؟

سلمت يمناك
جزاك الله كل خير ونفع بك امته الاسلاميه
وجعل الله ما قدمته في ميزان حسناتك
بارك الله فيك وانار الله دربك وقلبك بنورالهدى
تقبل مروري ولك ودي وردي رسالة من صاحب منتدى ميت !!! 264120